الحياة La vie

C’est l’un ou c’est l’autre. La vie en rose ou la vie en noir. Tout au moins pour la plupart des gens.

(capes)نهار الكاباس

Classé dans : Ma vie — 20 juillet, 2008 @ 0:55

CAPESنهار من نهرات شهر جوان سمعنا الي ثمة دورة جديدة للكابس،الناس الكل استغربت ثمه الي فرح و ثمه الي خاف و ثمة الي ما ادردعت منو حتى شعرة.أنا بصراحة مالجماعة الي فرحت قلت بالكشي  تخطف المرة هاذي.كيما جرات العادة و الله لا تقطعنا عادة مشيت رسمت في الادارة الجهوية بالطبيعة مع بروسي بعشرة آلاف و قالونا تعديو نهار 11 جويلية.قلت ديما نحضر باللأوراق و الدروس الي عندي خليني المرة هاذي نبدل الفال و نشوف دروس على الأنترنات.تعداو النهارات و ورقة الاستدعاء للمناضرة لا حبت تحضر،قلت ياخي شنيا لحكاية؟زعما ندمو عالكاباس؟ما ضهرلهمش؟وليت مشيت كيف الناس الملاح نسأل في الادارة الجهوية قالولي راهو وخروها لنهار 18 و 19 جويلية حسب الاختصاص.قلت ميسالش زيادة الخير ما فيها ندامة هات ما نحاوهاش برك…و بعد ثلاثة أيامات طلعت ورقة الاستدعاء على الأنترنات و ضهرت نعدي نهار السبت 11 متاع الصباح.النهارات فيسع تعدات و لقيت روحي في نهار السبت.قمت الصباح بكري و خذيت الكار باش نمشي للمعهد الي نعدي فيه.وصلت لقيت صحابي الي نجحو معايا ولي قبلي ولي بعدي الحاسيلو على كل لون ياكريمة…قعدنا نستناو قدام المعهد ما حبو يسمعونا زمارة الخطر كان 11 و 10 دقائق،حلونا الباب و دخلنا .قعدت نتفرج في المعهد و نقول زعما يجي نهار ونقري فيك؟المهم مشيت شفت القاعة متاعي واطمنت عليها و قعدنا نستناو في الأساتذة،أتو يجيو أتو يجيو شيء …تعبت شديت بلاصتي وما جاو وفرقو الاوراق الي باش نجاوبو عليهم كان 11 و 35 دقيقة و بعد ربعنا يدينا نستناو في زمارة الخطر الي ظربت نصف النهار و درج.ماهو في بالكم الي نعديو 50  سؤال و اجابات مختلفة و انت تختار الاجابات الصحيحة.هبطت راسي عالورقة هاذي تنفع و هاذي تظر و ما طلعتو كان كيف سمعت الي يعس يقول أيا هاتو الأوراق.أعطيت ورقتي وخرجت… و ان شاء الله ربي معانا

Pas de commentaire »

Pas encore de commentaire.

Flux RSS des commentaires de cet article.

Laisser un commentaire

 

60 millions de cons somment... |
riri1524 |
Le Plateau Télé de KeNnY |
Unblog.fr | Créer un blog | Annuaire | Signaler un abus | Soft Liberty News
| t0rt0ise
| Bienvenue au Thomaland